Great Greenlandimi ammit pisarineqarsimasut pitsaanerpaat nioqqutissiarissallugit pingaartilluinnagaraarput, qitulisakkat, Kalaallillu Nunaata pinngortitaa anersaaralugu tunisassiat. Atisaliornermi ineriartornerup killiffia ilutigalugu avatangiisinullu ajoqusiinngitsumik nioqqutissanik saqqummiussassaateqartarpugut, ullutsinnut naleqquttunik ilusilersukkanik, Kalaallit Nunaanni piujuaannartitsinissaq tunuliaqutaralugu puisit amiinik sanaajusunik kiisalu atortunik allanik ilalerlugit aamma atuinikkut sanaajusunik.

Great Greenlandimi pitsaassuseq qaffasissoq atorlugu amernik tunisassiornermi suliarinninnermilu immikkut ilisimasaqarluarpugut. Pingaarnertut tunisassiornermi oqorsaatit, kusassaatit kiisalu isikkatigut atukkat nioqqutissiarisarpagut, meeqqanut inersimasunullu. Nioqqutissat quersuarmiitinneqartut assigeequtigaat tamarmik Kalaallit Nunaannit amminit pitsaanerpaanit tunisassiarineqartarmata. Taamaasillutit pitsaassuseq qaffasissoq atorlugu nioqqutissamik qulakkeerinnissinnaavutit, piujuaannartitsinikkut piniarnermi inerniliussaasumik.

Massakkoqqissaaq Kalaallit Nunaanni qitiusumik suliffeqarfeqarpugut (Qitulisaavik, takutitsivik, allaffissorneq, mersortarfik aamma pisiniarfik) kiisalu Danmarkimi (nittartakkatigut niuerfiup quersuaa, nunat tamalaat akornanni tuniniaanermut immikkoortortaqarfik, takutitsivik aamma pisiniarfik), taamaakkaluartoq nunarsuaq tamakkerlugu sumulluunniit nassiussisinnaavugut, taamaattumillu sumi nunami najugaqarnerlutit apeqqutaanani. Pisiniarfitsinnut alakkaarusukkuit quppernitsinni ”attavigitigut” toorlugu nanisinnaavatsigut.