GG Visitor Center, GL

Great Greenlandip Takutitsivia

Puisi & Kalaallit Nunaat pillugit oqaluttuarisaaneq.

Takutitsivik 2017-mi ammarneqarpoq puisillu inuullu imminnut oqaluttuarisaanikkut ataqatigiinnerat ersersissallugu. Kalaallit Nunaanni puisi inuussutaasimavoq inooriaatsimullu ilaasimalluni ukiuni hunnorujulikkaani, tamannalu takutitsiviup anguniagaraa ersersissallugu, saqqummersitsinikkut tunisassiallu aqqutigalugit.

Puisip oqaluttuarisaanera Kalaallit Nunaata oqaluttuarisaaneraniippoq, Great Greenlandillu takutitsivik atorlugu oqaluttuarisaanerup taassuma puigorneqannginnissaa qulakkeerusuppaa.

Great Greenland puisip amiinik tunitsiveqarnikkut Kalaallit Nunaata sineriaanit tamanit piniartunit amminik tunitsivigineqartarpoq. Tunumi Ittoqqortoormiuniit Kujataani Nanortalik aqqusaarlugu avannarpiaanut Qaanaaq tikillugu natsernik aamma aataanik nujaqartunit piniartunit tunitsivigineqartarpugut.

Ammit Qaqortumut nassiunneqartarput, tassanngaanniik qitulisartarpagut misuttarlutigillu ameq pinnernerpaaq pissarsiariumallugu.

Ammit ilaat nioqqutissiornermut atorneqartarput, Qaqortumi Great Greenlandillu niuerfiani allani Europami tuniniarneqartarlutik. Ilusilersuinikkut ullutsinnut naleqquttut avatangiisinullu ajoqusiinngitsut saqqummersitat neqeroorutigivagut, ilusilersuinikkut nutaaliaasut, Kalaallit Nunaannit puisip amianik allanillu piujuaannartitsinikkut atortussanit tunisassiat.

Great Greenland nunarsuaq tamakkerlugu puisip amiinik qitulisaanermi siuttuuvoq.

Anguniagaq tassaavoq ukiualuit qaangiuppata chromimik akuutissartaqanngitsumik qitulisaanermik ingerlatsilersinnaanissaq.

Great Greenlandip Kalaallit Nunaannit savap amianik qitulisaanermik ingerlatsisarnera akuutissartaqanngitsumik ingerlareerpoq.

Mersortarfik 1982-mi ammarneqarpoq, tassani nutaalianik mersorneq- aamma qaatiguunik mersoriaatsit aallaavigalugit sulineq ingerlanneqarluni. Taassuma saniatigut suli tunisassiorneq Kalaallit Nunaanni ukiuni tuusintilinni piorsarsimassutsikkut piusimasut tunngavisumik ingerlaaserineqartut aallaavigalugit ineriartortinneqarpoq.

Ammasarfiit:

Ataas.-Tall. Nal. 10-16

Kiisalu takornariartaatinik aqqusaartoqartillugu immikkut ammatitsinerit.

Suliffeqarfittut pulaarnissamut & angallanneqarnissamut attavissaq

Kalaallit Nunaanni Takutitsivik
Aviaja Holm Jensen
Oqarasuaat +299 64 71 27
E-mail: aviaja@great-greenland.gl