Great Greenland pillugu

Great Greenland 1977-mi Kalaallit Nunaanni Ammerivimmik ateqartinneqarluni Hans Lassenimit pilersinneqarsimavoq. Kalaallit Nunaanni Ammerivik puisit amiinik tunitsivigineqartarsimavoq Kalaallillu Nunaannit puisip amii qitulisarneqartarsimapput pisiniarfillu erngiinnaq mersortarfittaartinneqarsimavoq, ulloq manna tikillugu Great Greenlandip tunisassiaataanik nioqqutissiortuusumik.

Great Greenland 1982-miit piginneqatigiiffiusimavoq Kalaallit Nunaanni Namminersornerullutik Oqartussanit 100%-mik pigineqarluni. Great Greenlandip qullersaqarfia Kujataani Qaqortumi inissisimavoq. Tassani sulisut pikkorissut qitulisaanermik Great Greenlandillu amiutaanik nioqqutissiornermik suliaqartarput. Puisip amia Great Greenlandimi tunisassiornikkut qitiusumik ingerlanneqarpoq, taamaakkaluartoq aammattaaq umimmaat, savat nannullu amii aamma suliarineqartarlutik.

Great Greenlandimi ammit tamarmik tunisassiarineqartut Kalaallit Nunaata pinngortitaani uumasuninngaanneerput Kalaallillu Nunaanni Inuit ileqquat naapertorlugu pisaajullutik. Kalaallit Nunaannit puisip amia EU-mut kisiartaalluni inuit-pisinnaatitaaneranni eqqunneqarsinnaavoq. EU-p Puisit pillugit aalajangersagaa - EU Sælordningen - Dansk

Great Greenland ammit pitsaassusaannik qaffasissumik tunisassiortuullunilu niuertuuvoq, Kalaallit Nunaannut iluaqutaasussamik kiisalu atisaliornikkut & pinnersaasiornikkut nunarsuup sinneranut niuertuulluni. Great Greenlandimi ammip pitsaanerpaap tunisassiarinissaa anguniartuarparput; pisaq, qitulisagaq Kalaallit Nunaanni pinngortitaq anersaaralugu tunisassiaq. Ilutsit ullutsinnut naleqquttut aallaavigalugit atortullu avatangiisinut ajoqutaanngitsut atorlugit nioqqutissanik saqqummersitsisarpugut, Kalaallit Nunaannit piujuaannartitsinikkut puisip amianik allanillu atortunik sanaajusunik.

Great Greenlandimi pisiniaraangavit Kalaallit Nunaanni piniartut tapersersortarpatit. Taakku pillugit piuvugut.

Puisip amianik oqaluttuaq Kalaallit Nunaanni Inunnik aamma oqaluttuaavoq; inuit. Oqaluttuaavoq inunnik pinngortitaq peqatigalugu inuusunik, piujuaannartitsinissamillu siuttuunermik, kingusinnerusukkut aatsaat nunarsuarmioqataasunit atorneqalersumik. Puisi Kalaallit Nunaanni inuiaqatigiit akornanni suli inooriaatsimut piorsarsimassutsimullu ilaalluinnarpoq. Puisip neqaa suli inuussuteqarnikkut pingaarluinnartuuvoq, pingaartumik sinerissami isorliunerusuni, puisinniarnerlu ukiut 1000-t matuma siornatigutuulli suli pingaaruteqartigipajaarluni.

Great Greenland Kalaallit Nunaanni puisip oqaluttuassartaanut atorneqartarneranullu takutitsivimmik pilersitsisimavoq. Takutitsivimmut pulaartut puisip Kalaallit Nunaanni innuttaasunut pingaassusaanik piviusorsiorpalaartitsinermi saqqummiinikkut paasinnissapput (mersortarfimmi ammerivimmilu). Immikkut akiliilluni pulaartut angallassisoqarsinnaapput.

Takutitsivik Great Greenland a/s illutaani Qaqortumi inissisimavoq.

Takutitsivimmi aamma Great Greenlandip mersortarfia piuvoq, tassanilu amminik mersornermi pikkorissarnerit aamma ingerlanneqarsinnaallutik.

Takutitsivik ammasarpoq ataas.-tall. Nal 9-16.

Nittartakkatsinnut & niuertarfiutitsinnut tikilluarit, pitsaanerpaamik sullinnissat qilanaaraarput.

Great Greenalandip Danmarkimi Takutitsivia, Nittartakkakkut niuerfimmut quersuaqarfia & Pisiniarfia.
Smedeland 10, 2600 Glostrup.
Ammasarfiit ulluinnarni nal. 9-15 imaluunniit oqarasuaatikkut +45 23 93 42 isumaqatigiissuteqarnikkut.
 

Great Greenlandip Kalaallit Nunaanni Takutitsivia, Ammerivia aamma Pisiniarfia
Havnevej B-1274, Postboks 519
3920 Qaqortoq
Ammasarfiit Ataas.- Tall. 9-16 imaluunniit oqarasuaatikkut immikkut isumaqatigiissuteqarnikkut oqarasuaat +299 64 71 27

Aaqqissuussaaneq Siulersuisullu
Great Greenland Kalaallit Nunaanni Namminersornerullutik Oqartussanit 100%-mik pigineqarpoq. Uani quppernermi Great Greenlandip siulersuisui takutinneqarput. ”Attavigitigut” iserfigalugu Great Greenlandip aqutsisui takuneqarsinnaapput attavigineqarsinnaallutillu.

Great Greenlandip Pisortaqarfia:
Pisortaaneq Preben Møller
Oqarasuaat: +299 64 71 24
E-mail: preben@great-greenland.gl

Suliffeqarfiup aqutsisui pillugit annertunerusumik paasisaqarusukkuit – takuuk ”attavigisigut”

Great Greenlands Bestyrelse:
• Juliane Henningsen  – Formand
• Niels Eli Boassen - Næstformand
• Nikoline Ziemer
• Louise Lynge Berthelsen
• Freddy Christensen

Great Greenland A/S-mut malittarisassat

Namminersornerullutik Oqartussat ataanni piginneqatigiiffinnut malittarisassat pillugit Nalunaarusiaq
Uani aakkit/Download her 

Ukiumut nalunaarusiat
2016
2017
2018
2019
2020
2021